Blog ni Bayo Parkusip

padang lawas tano hangoluan

Adat mandailing Tapanuli Selatan

Minggu, 5 juli 2009

Disahonok hangoluan i adong hal-hal nasapatutna dilalui dohot mambaen acara sakral mangalibatkon harajaon, situan natorop dohot sutuan najaji didia dibagasan tulisan on dicubo diuraion sada-sada dohot maksud anso diparsiajari dohot dipature mur tupadena nabisa dibaen manjadi patunjuk tu naumposo tu pudi niari.

Pangalaman nabahat manjadi bahan ima pangalaman-pangalaman sewaktu menek penulis selalu dioban kehe tu horja ni halak didia tugas niba hum na manyimpan sipatu dohot tungkot dung lalu tu bagas horja asa mambuatna mulak dung salose horjai. Jadi sahonok horjai waktu i inda manjadi parhatian aha na diobari tai sannari na dibicarahon pada waktu i binoto mulak asa iba songon na mangarekam nabaru parbinotoan i.

Selanjutna aha-aha na ditorangkon dibagasan tulisan on diakui inda samata-mata tardok manyangkut paradaton Mandailing, harana inda adong batas-batas na pasti dohot dua alasan:

  1. Paradaton di Mandailing dohot Angkola, Sipirok dohot Padang Lawas madung dipengaruhi Agama Islam sahinggo bahatna martontangan dohot Agama Islam madung dihapuskon. Pengaruh Islam on umbahat di Mandailing sahinggo seolah-olah adat di Mandailing marbeda, padahal manurut penulis pada hakikina pada mulona sama do.
  2. Perbedaan kadua harana pengaruh ni bahasa dohot paradaton tording balok ima adat Melayu dohot Tapanuli Utara, sedangkan di Mandailing dibatasi olat ni pengaruh Agama Islam na ro sian koum Padri Sumatera Barat.

Dison porlu panulis mengemukahon sada pandangan namungkin bahat koum naso sapandapot dohot penulis. Tai nada sala harana maksud penulis anso majadi bahan pamikiran do tu hita tupudi ni ari na porlu dibicarahon satibu-tibuna.

Pamikiran-pamikiran na penulis ungkap on porlu dikaji dohot dibahas tibu harana sangat manontuhon rasa kebersamaan dohot rasa mamiliki paradaton i tu pudi ni ari, tarlobi-lobi manjago kelestarian ni paradaton i sesuai dohot perkembangan zaman.

Hal-hal na penulis maksud porlu sibahason buat pasada pandapot dohot pandang antara Mandailing dohot Angkola, Sipirok atope Padang Lawas ima:

  1. Hal-hal na manyangkut pangantusan ni Raja Panusunan atope Raja Panusunan Bulung, dohot dasar-dasar panontuhonna ise namanjadi Raja Panusunan Bulung.
  2. Pangartian dohot banjaran ni namarkobar adat antara Mora, Raja Pangundian, Raja Pamusuk, Orang Kaya, Orang Kaya Luat, Bayo-bayo, Bayo-bayo nagodang, Ompu ni Kotuk, anakboru pisangraut dohot nalain-lain na adong di Tapanuli Selatan.
  3. Mangampar ruji, manjujuri.
  4. Cara manarimo batang boban di etong sangan inda dietong cukup marsiparcayaan antara dua belah pihak atope angkon dietong dimuka umum anso hosa.
  5. Cara marudur dohot marpangir tu Tapian Raya Bangunan.
  6. Cara mamudun pakkobaran adat. Cukup sada halak atope beberapa halak atope martingkat menuruti harajaon.
  7. Mangalehen mangan, mambutongi mangan, waktuna dohot maksudna masing-masing.
  8. Cara pangupa dohot hasaya ni pangupa. Adong namarparwakilan cukup sadahalak, adong angkon sude mangalehen hobar, asayana adong napatibal ulu ni horbo, adong na cukup gorar-goraranna sajo, songondia muse muda dua horbona dohot na lain-lain.
  9. Indahan lungun-lungun, indahan tompu robu. Andigan waktuna dioban asa maksudna dohot ise namarpattang.
  10. Cara manortor nasapadena, rondo do sanga inda tola rondo, pargincat ni tangan dohot ise natola tu ise atope ise naso tola tu ise dohot na lain-lain.
  11. Tumpuk ni harajaon, ditotopkon atope suka rela, songon i muse tumbas ni pandongani ni boru atope pangiring ni boru mangambit dohot na manogu-nogu.
  12. Hal-hal lain naso tarpajojor sada parsada.

5 Juli 2009 - Posted by | Adat Mandailing Tap-Sel, Kampung halaman |

1 Komentar »

  1. adong do data ni angkangi adat ni tapsel na lobi rinci/ tarimokasi parjolo

    Komentar oleh fazyz | 26 Juni 2011 | Balas


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: